కుత్బుల్లాపూర్ (న్యూస్ విధాత్రి), ఏప్రిల్ 23: కుత్బుల్లాపూర్ డివిజన్ పరిధి బాపూనగర్లోని శ్రీ ముక్తేశ్వర ఆలయంలో శ్రీ నల్ల పోచమ్మ, ముక్తేశ్వర ఆలయ కమిటీ సభ్యులు సంయుక్తంగా శ్రీ హనుమాన్ జయంతి ఉత్సవాలను ఘనంగా మంగళవారం నిర్వహించారు. తెల్లవారుజామున 6 గంటల నుంచి అభిషేకాలు, ప్రత్యేక పూజలు నిర్వహించి వేడుకలను ప్రారంభించారు. అనంతరం సాయంత్రం ఐదు గంటలకు బాపునగర్లోని పురవీధుల్లో శ్రీ హనుమాన్ శోభాయాత్రను (బైక్ ర్యాలీ) నిర్వహించారు. ఈ కార్యక్రమంలో ఆలయ కమిటీ అధ్యక్షుడు ఎం. సుబ్బారావు, ప్రధాన కార్యదర్శి సిహెచ్ దయానంద్, కోశాధికారి సత్యనారాయణ, ఆలయ అర్చకులు ప్రశాంత్, సభ్యులు ప్రవీణ్ రెడ్డి, సుకుమార్ రెడ్డి, సందీప్ కుమార్, శ్రీను, బాబూరావు వెంకటేష్, సత్య ప్రసాద్, కాలనీవాసులు, భక్తులు అధిక సంఖ్యలో పాల్గొన్నారు