Vidhatri News

Author: sairam

  • జగన్ బెయిల్… మరో 20 రోజులు టెన్షన్

    హైదరాబాద్: ఏపి సిఎం వైఎస్.జగన్ మోహన్ రెడ్డి బెయిల్‌ రద్దు అంశంపై ఉత్కంఠ కొనసాగుతోంది. ఇవాళ వాదనలు విన్న సిబిఐ ప్రత్యేక కోర్టు తీర్పును వచ్చేనెల 15కు వాయిదా వేసింది.

    జగన్‌ ప్రత్యక్షంగా, పరోక్షంగా సాక్షులను ప్రభావితం చేస్తున్నారని, బెయిల్ షరతులను  ఉల్లంఘించారంటూ ఈ ఏడాది జూన్‌ 4న సిబిఐ ప్రత్యేక కోర్టులో పిటిషన్ దాఖలైంది. వైసిపి ఎంపి కె.రఘురామ కృష్ణరాజు పిటిషన్‌ దాఖలు చేశారు. వైసిపి ఎంపి వి.విజయసాయి రెడ్డి బెయిల్ కూడా రద్దు చేయాలంటూ రఘురామ మరో పిటిషన్ వేశారు. ఈ పిటిషన్లపై ఇవాళ ఉదయం నుంచి మధ్యాహ్నం వరకు న్యాయమూర్తి వాదనలు విన్నారు. తీర్పును వచ్చే నెల 15వ తేదీకి వాయిదా వేస్తున్నట్లు న్యాయమూర్తి ప్రకటించారు. సిబిఐ ప్రత్యేక కోర్టు తీర్పుపై రెండు తెలుగు రాష్ట్రాలకు చెందిన నాయకులు, వైసిపి కార్యకర్తలు ఆతృతగా ఎదురు చూశారు.

  • సిసిఎస్ కస్టడీ కు కార్వి చైర్మన్ పార్థసారథి

    హైదరాబాద్: కార్వి స్టాక్ బ్రోకింగ్ ప్రైవేటు లిమిటెడ్ ఛైర్మన్ అండ్ మేనేజింగ్ డైరెక్టర్ సి. పార్థసారధి (67) ను సిసిఎస్ పోలీసులు ఇవాళ ఉదయం కస్టడీకి తీసుకున్నారు.

    చంచల్ గూడ జైలు నుండి రెండు రోజుల కస్టడీ కోసం పోలీసులు ప్రత్యేక వాహనంలో ఆయనను సిసిఎస్ కు తీసుకువచ్చారు. ఇండస్ ఇండ్ బ్యాంకును మోసగించిన కేసులో అరెస్టు అయి చంచల్ గూడ జైలులో ఉన్నారు. ప్రజలకు చెందిన షేర్లను తన కంపెనీ షేర్లుగా తనఖా పెట్టి ఇండస్ ఇండ్ బ్యాంకు నుంచి రూ.137 కోట్ల రుణం సేకరించారు. దీనిపై ఇండస్ ఇండ్ బ్యాంక్ వైస్ ప్రెసిడెంట్ హైదరాబాద్ సిసిఎస్ పోలీసులకు ఫిర్యాదు చేశారు. ఇదే కాకుండా పలు షేర్లు, సెక్యురిటీలను తనఖా పెట్టి రూ.720 కోట్లు సేకరించినట్లు విచారణలో వెల్లడైంది. షేర్లు కొనుగోలు చేసిన వ్యక్తులతో సంబంధం లేకుండా అప్పులు తీసుకున్నారు. ఇలా తీసుకున్న రుణాలను రియల్టీ, ఇన్ఫోటెక్ కంపెనీలకు మళ్లించినట్లు చెప్పినప్పటికీ ఆ కంపెనీల్లో నిధులే లేవని తేలింది. రెండు రోజులు విచారణలో పార్థసారథి నుంచి పోలీసులు కీలకమైన సమాచారం, ఆధారాలు సేకరించనున్నారు.

  • 122 మంది ప్రజా ప్రతినిధులు నిందితులు: సుప్రీం కు నివేదిక

    ఢిల్లీ: ప్రజా ప్రతినిధులపై ఉన్న కేసుల స్థితిగతులపై అమికస్ క్యూరీ సుప్రీంకోర్టుకు నివేదిక అందించింది. అమికస్ క్యూరీ విజయ్ హన్సారియా నివేదిక రూపొందించారు.

    మనీలాండరింగ్ కేసుల్లో 51 మంది ఎంపి లు నిందితులుగా ఉన్నట్లు తేల్చారు. వీరితో పాటు 71 మంది ఎమ్మెల్యేలు, ఎమ్మెల్సీలు కూడా ఉన్నట్లు నివేదికలో పొందుపర్చారు. సిబిఐ ప్రత్యేక కోర్టుల్లో 151 కేసులు పెండింగ్‍లో ఉన్నాయి. 58 పెండింగ్ కేసుల్లో జీవిత ఖైదు శిక్షలు విధించతగినవిగా వెల్లడించారు. 45 కేసుల్లో అభియోగాలు కూడా నమోదు కాలేదని ఆందోళన వ్యక్తం చేసింది. కేసుల విచారణకు జడ్జీలు, విచారణ సంస్థలు మానవ వనరుల కొరత సమస్య ప్రధానంగా వెంటాడుతున్నదని నివేదికలో స్పష్టం చేశారు. ప్రజా ప్రతినిధుల కేసుల్లో ఛార్జిషీట్ల దాఖలు ఎందుకు ఆలస్యం అవుతున్నదని సుప్రీంకోర్టు ప్రధాన న్యాయమూర్తి జస్టిస్ ఎన్.వి.రమణ సిబిఐ, ఈడిలను ప్రశ్నించారు. కేసులపై హైకోర్టులు నివేదిక అందించాయని, ప్రత్యేక కోర్టుల ఏర్పాటుకు చర్యలు తీసుకుంటామని రమణ తెలిపారు.

  • తీన్మార్ మల్లన్నపై సైబర్ క్రైమ్ లో ఫిర్యాదు

    హైదరాబాద్: చింతపండు నవీన్ కుమార్ అలియాస్ తీన్మార్ మల్లన్న తన యూ ట్యూబ్ ఛానెల్ అడ్డం పెట్టుకొని రాష్ట్ర ముఖ్యమంత్రి కెసిఆర్ పై అనుచిత వ్యాఖ్యలు చేయడం పై  సైబర్ క్రైం లో టిఆర్ఎస్ సోషల్ మీడియా విభాగం పిర్యాదు చేసింది.

    సికింద్రాబాద్ లోని చిలకలగూడ పోలీసుస్టేషన్ లో ఒక కేసు దర్యాప్తు జరుగుతున్నా రాష్ట్ర పోలీసుల పై, రాష్ట్ర ప్రభుత్వం పై తప్పుడు ప్రచారం చేస్తూన్నాడన్నారు. యూట్యూబ్ ఛానెల్ అడ్డం పెట్టుకొని వార్తలు చదువుతున్నాడా, తిట్లు చదువుతున్నాడా అని ఫిర్యాదులో తెలిపారు. రాష్ట్ర ముఖ్యమంత్రి కెసిఆర్ పై పదే పదే చేసే అనుచిత వ్యాఖ్యలు దురదృష్టకరం అన్నారు. తెలంగాణను అఫ్ఘనిస్తాన్ దేశంతో పోల్చడం ఏంటని, నీకు ఇంత స్వేచ్చా ఉంటుందా అన్నారు. చింతపండు నవీన్ పై సిసిఎస్ సైబర్ క్రైం లో టిఆర్ఎస్ రాష్ట్ర సోషల్ మీడియా కన్వినర్లు క్రిశాంక్, వై.సతీష్ రెడ్డి, దినేష్ చౌదరి, జగన్మోహన్ రావు ఫిర్యాదు చేశారు.

  • గజ్వేల్ వెళ్లకపోతే గుండు కొట్టించుకుంటా: రేవంత్ రెడ్డి

    మేడ్చల్: గజ్వేల్ కు ఎట్ల వస్తరని అంటున్నారు.. తప్పకుండా వస్తానని… వచ్చే నెల గజ్వేల్ వెళ్లి తీరుతానని టిపిసిసి అధ్యక్షుడు ఏ.రేవంత్ రెడ్డి స్పష్టం చేశారు. మాజీ ఉప ముఖ్యమంత్రి  దామోదర రాజనర్సింహ గజ్వేల్ సభ తేదీ రెండు రోజుల్లో చెబుతాడు.. ఆ తేదీకి వెళ్లి తీరుతానన్నారు.

    తన పర్యటనకు ఎవడైనా అడ్డం వస్తే తొక్కుకుంటూ ముందుకు వెళ్తానని… వెళ్లని పక్షంలో గుండు కొట్టించుకుంటానని రేవంత్ రెడ్డి శపథం చేశారు. మూడు చింతలపల్లిలో ప్రారంభమైన “దళిత, గిరిజన ఆత్మ గౌరవ దీక్ష” లో రేవంత్ రెడ్డి మాట్లాడారు. ఈ రోజు నుంచి రేపు సాయంత్రం 5 గంటల వరకు జరగనున్న దళిత, గిరిజన ఆత్మ గౌరవ దీక్ష కొనసాగుతుందన్నారు. బిఆర్.అంబేద్కర్, జగ్జీవన్ రామ్, కుమ్రం భీమ్, సేవాలాల్ సాక్షి గా చెబుతున్నాను… మల్కాజిగిరి నియోజకవర్గం ప్రజల వల్లే కొట్లాడే అవకాశం దక్కిందన్నారు. కొడంగల్ నియోజకవర్గంలో కుట్రలు కుతంత్రాలు చేసి.. కెసిఆర్ నన్ను ఓడించారు. కొడంగల్ లో కాంగ్రెస్ ను ఓడిస్తే.. తన అక్రమాలకు అడ్డుఅదుపు ఉండదని భావించారు. మల్కాజిగిరి ప్రజలు నన్ను గెలిపించి ఆశీర్వదించారు. మూడుచింతలపల్లికి దత్తత తీసుకొని రూ.28 కోట్లతో అభివృద్ధి చేస్తామన్నారు. కెసిఆర్ దత్తత తీసుకున్న తర్వాత నే కాంగ్రెస్ జెండా ఎగిరిందన్నారు. దత్తత ముసుగులో ఈ ప్రాంతాన్ని వంచిస్తున్నడు. లక్ష్మాపూర్ కు తెలంగాణ ముఖ చిత్రం లో గుర్తింపు లేదు. ధరణి లో భూముల వివరాలు చేర్చలేదు. ఇక్క ఫించన్లు, షాదీముబారక్, కళ్యాణలక్ష్మీ ఇచ్చామని ప్లెక్సీ లు పెట్టారు. ఒరేయి సన్నాసులారా.. ఊళ్లలోకి పోయి అడగండి.. 57 ఏళ్ల వారికి ఫించన్లు వచ్చాయా అని రేవంత్ రెడ్డి అన్నారు.

    దళిత వాడల్లోకి అందరికీ ఇళ్లు కట్టిస్తానని 247 ఇళ్లు కూలగొట్టారు. చిన్న ముల్కనూరులో కొత్త ఇళ్లు కట్టిస్తానని ఉన్న ఇళ్లు కూలగొడితే ఆడపిల్లల స్నానాలు చేయడానికి ఇబ్బందులు పడ్డారు. చిన్నముల్కనూరులో ఆరేళ్లు దాటిపోయినా కొత్త ఇళ్ల జాడలేదు. దత్తత తీసుకున్న గ్రామాల్లో 57 ఏళ్లకే ఫించన్లు, దళితులకు మూడెకరాల భూమి, ఫీజు రీయింబర్స్ మెంట్ పథకం అమలు చేసినట్లు నిరూపిస్తే ముక్కు నేలకు రాస్తానన్నారు. కెజి నుంచి పిజి వరకు ఉచిత విద్య అంటున్న కెసిఆర్ మేడ్చల్ జిల్లా లో ఒక్క డిగ్రీ కాలేజ్ పెట్టలేదని ఆరోపించారు. రాష్ట్రంలో ఇప్పటి వరకు రూ.15 లక్షల కోట్లు ఖర్చయ్యాయి.. ఈ గ్రామాలకు ఎన్ని పైసలు వచ్చాయో చెప్పాలన్నారు. ఎమ్మెల్సీ గోరేటి వెంకన్న రాసిన పల్లె కన్నీరు పాట ఈ రోజు నిజమవుతోందన్నారు. ధనిక రాష్ట్రంగా తెలంగాణ ను ఇస్తే అప్పుల ఊబిలోకి నెట్టాడన్నారు. హైదరాబాద్ లో వరదలు వచ్చినప్పుడు గ్రేటర్ హైదరాబాద్ ఎన్నికల్లో గెలుపొందేందుకు నష్టపోయిన ప్రతి ఒక్క కుటుంబానికి రూ.10 వేలు పరిహారం అని చెప్పి ఎన్నికల తరువాత పైసా ఇవ్వలేదని రేవంత్ రెడ్డి స్పష్టం చేశారు.

    హైదరాబాద్ మాదిరిగా హుజురాబాద్ అసెంబ్లీ నియోజకవర్గంలో కూడా మోసం చేస్తారని రేవంత్ రెడ్డి చెప్పారు. గ్రేటర్ హైదరాబాద్ లో వరద బాధితులకు రూ.10 వేలు ఇవ్వలేని కెసిఆర్ దళిత బంధు పథక కింద హుజూరాబాద్ లో రూ.10 లక్షల చొప్పున ఇస్తాడా అని రేవంత్ ప్రశ్నించారు. ధనిక రాష్ట్రమని చెప్పి ప్రభుత్వ ఉద్యోగులకు జీతాలు ఇవ్వలేని పరిస్థితి ఏర్పడిందన్నారు. హుజురాబాద్ దళిత బిడ్డలకు దండం పెడుతున్నా.. రాష్ట్ర వ్యాప్తంగా ఉన్న లక్షల కుటుంబాల బాధ్యత మీమీద ఉందని గుర్తు చేశారు. హుజురాబాద్ ఉప ఎన్నికల నోటిఫికేషన్ వచ్చే వరకు లబ్ధిదారుల ఎంపిక జాబితా కొనసాగుతుందని, డబ్బులు ఇవ్వరన్నారు. ఓట్లు వేస్తే.. రూ.10 లక్షలు ఇస్తామని లిటిగేషన్స్ పెడతారు. లబ్ధిదారుల వద్దకు అధికారులు, టిఆర్ఎస్ నాయకులు వచ్చి కెసిఆర్ ఆర్ ఫోటో పెట్టుకోవాలని డిమాండ్ చేస్తే నాకు చెప్పండి భరతం పడతానని హెచ్చరించారు. సిఎం కెసిఆర్ మనువడు హిమాన్షు రావు చదివే స్కూల్ లో పేద ప్రజల పిల్లలు చదివేలా ఫీజు రీయింబర్స్ మెంట్ పథకం అమలు చేస్తామన్నారు. పేదల ఆరోగ్యం కోసం ఆరోగ్య శ్రీ, 108 అంబులెన్స్ లను కాంగ్రెస్ అమలు చేస్తే వాటిని కెసిఆర్ నాశనం చేశారని రేవంత్ రెడ్డి ఆరోపించారు.

    బిసిలకు గొర్రెలు, బర్రెలు ఇస్తూ.. పేదలు అలాగే ఉండాలని.. తన మనుమడు రాజ్యం ఏలాలని కెసిఆర్ భావిస్తున్నారని రేవంత్ అన్నారు. ఈటల రాజేందర్ భూ ఆక్రమణ పై రాత్రికి రాత్రి నివేదిక లు ఇచ్చిన మెదక్ జిల్లా కలెక్టర్ హరీశ్ కుమార్ రెడ్డి.. ఆ తరువాత చర్యలు తీసుకోకుండా చేతుకు కట్టుకుని కూర్చుకున్నారన్నారు. రేపు సిఎం కెసిఆర్ దత్తత గ్రామం మూడు చింతలపల్లి లో పర్యటిస్తానని, ఆయన చేసిన అభివృద్ధి ఏంటో చూపిస్తానన్నారు. వాసాలమర్రి లో దళితుల ఖాతాలో రూ.10 లక్షలు వేస్తానని చెప్పి.. యాదాద్రి జిల్లా కలెక్టర్ ఖాతాలో వేసినట్లు జిఒ ఇచ్చారు. ఇలా ప్రతీది కేసీఆర్ మోసం, దగా చేస్తున్నారని రేవంత్ రెడ్డి వ్యాఖ్యానించారు. సిఎం దత్తత గ్రామానికే కెసిఆర్ ఏమీ చేయలేదు, అలాంటిది రాష్ట్రానికి ఏం చేస్తారనే చర్చ ఈ సభా వేదిక ద్వారా పెట్టనున్నారు. దళిత బస్తీలో ఈరోజు రాత్రి రేవంత్ బస చేయనున్నారు. రేపు దళిత వాడలోని కుటుంబాలతో నేరుగా మాట్లాడనున్నారు. ప్రభుత్వం చేపట్టిన దళిత బంధుపైనా అభిప్రాయాలను తెలుసుకోనున్నారు.

  • 20 ఏళ్ళ తరువాత కేంద్ర మంత్రి అరెస్టు

    ముంబై: దేశంలో రెండు దశాబ్ధాల తరువాత ఒక రాష్ట్ర ప్రభుత్వం కేంద్ర మంత్రిని అరెస్టు చేసింది. మహారాష్ట్రలోని శివసేన, కేంద్రంలోని బిజెపి ప్రభుత్వ మధ్య ఉప్పునిప్పులా ఉన్న విషయం తెలిసిందే.

    దేశానికి స్వాతంత్ర్యం వచ్చిన సంవత్సరం తెలియని ముఖ్యమంత్రి ఉద్ధవ్ థాకరే తన ముందు మాట్లాడినట్లయితే చెంప చెల్లు మన్పించేవాడినంటూ కేంద్ర మైక్రో అండ్ మీడియం ఎంటర్ ప్రైజెస్ శాఖ మంత్రి నారాయణ్ రాణే వ్యాఖ్యానించారు. స్వాతంత్ర్యం వచ్చింది ఎప్పుడనేది కూడా సిఎం కు తెలియదని అన్నారు. ఈ వ్యాఖ్యలపై శివసేన కార్యకర్తలు కేసు పెట్టగా, ఆయనపై నాలుగు క్రిమినల్ కేసులు నమోదు చేశారు. మూడు పోలీసు స్టేషన్లలో కేసులు నమోదు కాగా రత్నగిరి పోలీసు స్టేషన్ అధికారులు ఇవాళ రాణే ను అరెస్టు చేశారు. పార్లమెంటు సమావేశాలు జరుగుతున్న సమయంలోనే ఎంపీలకు అరెస్టు నుంచి రక్షణ ఉంటుంది. సమావేశాలు లేని సమయంలో లోకసభ స్పీకర్, రాజ్యసభ ఛైర్మన్ అనుమతి తీసుకుని ఎంపీలను పోలీసులు అరెస్టు చేసే అధికారం ఉంటుంది. సివిల్ కేసులలో కేంద్ర మంత్రి అయితే సమావేశాల ప్రారంభానికి 40 రోజులు ముందు, సమావేశాలు ముగిసిన తరువాత అరెస్టు చేయవచ్చు. నారాయణ్ రాణేను అరెస్టు చేసే ముందు రాజ్యసభ ఛైర్మన్ ఎం.వెంకయ్య నాయుడు అనుమతి తీసుకుని పోలీసులు అరెస్టు చేశారు. రాణే మహారాష్ట్ర మంత్రిగా, ముఖ్యమంత్రిగా గతంలో పనిచేశారు. ముందస్తు బెయిల్ కోసం మంత్రి తరఫు న్యాయవాదులు దాఖలు చేసిన పిటిషన్ ను బాంబే హైకోర్టు తిరస్కరించింది. అంతకు ముందు రత్నగిరి కోర్టును ఆశ్రయించగా ఇదే విధంగా చుక్కెదురు ఎదురైంది.

  • చైనా కఠిన ఆంక్షలు… జీరో కేసులు

    బీజింగ్: చైనా దేశం డెల్టా వేరియంట్ కరోనా వైరస్ ను నిరోధించింది. ఆ వైరస్ వ్యాప్తిని సమర్థవంతంగా అడ్డుకున్నది. సోమవారం నాడు చైనా దేశంలో ఒక్క పాజిటివ్ కేసు కూడా నమోదు కాలేదు. కఠిన ఆంక్షల మూలంగానే ఇది సాధ్యమైంది.

    ఈ ఏడాది జూలై నెల తరువాత ఒక్క కేసు కూడా నమోదు కాని రోజు సోమవారం నిలిచింది. నాన్ జింగ్ నగరంలోని ఏయిర్ పోర్టులో తొలిసారి జూలై నెలలో డెల్టా వేరియంట్ కేసులు వెలుగు చూశాయి. స్వల్ప సమయంలోనే 31 ప్రావీన్సుల్లో 1200 కేసులు రిపోర్టు అయ్యాయి. కేసుల పెరుగుదలను గమనించిన ప్రభుత్వం కఠిన ఆంక్షలు అమలు చేసి ఛాలెంజింగ్ గా తీసుకున్నది. స్థానిక ప్రభుత్వాలు ఎక్కడికక్కడ కఠిన ఆంక్షలు అమలు చేసి లాక్ డౌన్ కట్టుదిట్టంగా అమలు చేశారు. కోట్లాది మందిని ఇళ్లకే పరిమితం చేసి టెస్టులు భారీ ఎత్తున చేపట్టారు. ప్రజలు సంచరించకుండా నిరోధించడంతో డెల్టా వేరియంట్ కేసులు తగ్గుముఖం పట్టాయి. సోమవారం నాడు ఒక్క కేసు నమోదు కాలేదు. విదేశాల నుంచి వచ్చిన వారిలో 21 మందికి వైరస్ లక్షణాలు కన్పించాయి.

  • తాలిబన్ టూ తాలిబన్: చైనా ఎగతాళి

    బీజింగ్: అదను దొరికితే చాలు అమెరికా దేశాన్ని ఏకేయడానికి చైనా దేశం ఏమాత్రం వెనకంజ వేయడం లేదు. గత రెండు దశాబ్ధాలలో అమెరికా ఆఫ్ఘనిస్తాన్ లో సాధించింది ఏమీ లేదని తాలిబన్ టూ తాలిబన్ తెచ్చిందని ఎగతాళి చేసింది.

    ఆఫ్ఘన్ లో ప్రస్తుతం నెలకొన్న పరిస్థితులకు అమెరికానే కారణమని చైనా మీడియా జిన్హూవా న్యూస్ ఏజెన్సీ ఒక వీడియో ను టెలికాస్ట్ చేసింది. మూడు నిమిషాల వీడియోలో అమెరికా వైఖరిని తూర్పారబట్టింది. అమెరికా అధ్యక్షుడు జోసెఫ్ ఆర్.బైడెన్ చేసిన అమెరికా ఈజ్ బ్యాక్ అనే వ్యాఖ్యలు నిజం అయ్యాయని యాంకర్ ఎగతాళి చేసింది. నలుగురు అధ్యక్షులు, 20 సంవత్సరాలు, 2 ట్రిలియన్ డాలర్లు, 2300 మంది ఆర్మీని పణంగా పెట్టి ఆఫ్ఘన్ లో తాలిబన్ల పాలన నుంచి తిరిగి తాలిబన్ల పాలనకే చేరుకుందని జిన్హుహా న్యూస్ పోస్టు చేసింది. ఆ దేశ అధ్యక్ష భవనాన్ని తాలిబన్లు స్వాధీనం చేసుకున్న తరువాత ఖాళీ చేయడానికి అమెరికా దళాలు తర్జనభర్జనపడ్డాయి. ఉగ్రవాదం నిరోధించడం పేరుతో ఆఫ్ఘన్ లో యుద్దాన్ని రాజేసిందని చైనా తూర్పారబట్టింది. గత రెండు దశాబ్ధాలలో అమెరికా సాధించిన ఘనత ఏంటంటే ఉగ్రమూకల తండాను సింగిల్ డిజిట్ నుంచి డబుల్ డిజిట్ కు పెంచిందని చైనా ఎత్తిపొడిచింది. అమెరికా వల్ల ఇప్పటి వరకు లక్ష మంది ఆఫ్ఘన్ వాసులు చనిపోయారు లెక్కకు మించి పౌరులు ప్రాణాలు కోల్పోయారు. లక్షలాది మంది ఉపాధి లేక రోడ్డున పడ్డారు. వియత్నాం యుద్దం కన్నా ఎక్కువ నష్టాన్ని మిగిల్చిందని చైనా అమెరికాను నిందించింది.

     

  • అగ్రిగోల్డ్ బాధితులకు అండగా ఉంటాం: జగన్

    అమరావతి: ప్రైవేటు సంస్థ ప్రజల నుంచి డిపాజిట్లు పెద్ద ఎత్తున సేకరించి మోసం చేసిన తరువాత డబ్బులు చెల్లించిన దాఖలాలు దేశంలో ఎక్కడా లేదని, ఎన్నికల్లో ఇచ్చిన హామీని నిలబెట్టుకున్నామని సిఎం వైఎస్.జగన్ మోహన్ రెడ్డి అన్నారు.

    ఇవాళ 7లక్షల మంది డిపాజిట్ దారులకు రూ.666 కోట్లు చెల్లిస్తున్నట్లు ఆయన చెప్పారు. ఇవాళ తాడేపల్లిలోని సిఎం క్యాంపు కార్యాలయంలో జగన్ అగ్రిగోల్డ్ డిపాజిట్ దారుల బ్యాంకు ఖాతాల్లో పరిహారాన్ని విడుదల చేశారు. రెండో దశ కింద రూ.10వేల నుంచి రూ.20వేల లోపు 7 లక్షల మంది డిపాజిట్ దారులకు రూ.666 కోట్లు ఆన్ లైన్ లో జమ చేశారు. మొదటి దశలో 2019లో రూ.10వేల లోపు డిపాజిట్ దారులకు రూ.238 కోట్లు పంపిణీ చేసిన విషయం తెలిసిందేనన్నారు. గత ప్రభుత్వంలోని పెద్దల నిర్వాకం మూలంగా ఖాతాదారులు భారీగా నష్టపోయారన్నారు. అగ్రిగోల్డ్ సంస్థ ఆస్తుల పైనే కన్నేశారని, ప్రజల డిపాజిట్లను కాపాడాలనే లక్ష్యం లేకుండా పోయిందని జగన్ అన్నారు.

  • కేరళలో తగ్గనంటున్న కరోనా వైరస్

    తిరువనంతపురం: కేరళ రాష్ట్రంలో కరోనా వైరస్ కేసులు ఏమాత్రం తగ్గుముఖం పట్టడం లేదు. గత రెండు వారాలుగా ప్రతి రోజు వేల సంఖ్యలో కరోనా పాజిటివ్ కేసులు నమోదు అవుతున్నాయి. పదివేలకు తగ్గకుండా కేసులు నమోదు అవుతుండడం గమనార్హం.

    గడచిన 24 గంటల్లో 13,383 పాజిటివ్ కేసులు నమోదు కాగా 21,942 మంది బాధితులు కోలుకున్నారు. ఇప్పటి వరకు వైరస్ నుంచి కోలుకున్నవారి సంఖ్య 36,53,008కు చేరుకున్నది. కరోనా సోకి మరణించేవారి సంఖ్య వందకు సమీపంలో ఉంటున్నది. గత 24 గంటల వ్యవధిలో 90 మంది చనిపోగా, ఇప్పటి వరకు చనిపోయిన వారి సంఖ్య 19,584కు చేరుకున్నది.