సూర్యాపేట: తల్లిదండ్రులు కోల్పోయిన యువతిని చేరదీసిన బాబాయ్ పలుమార్లు అత్యాచారం చేసి గర్భవతిని చేశాడు. గర్భం దాల్చిన యువతిని పెద్దనాన్న కుమారుడు కూడా వేధించడంతో మనస్తాపం చెందిన యువతి ఆత్మహత్య చేసుకున్నది.
ఈ ఘటన నేరేడుచర్ల మండలం పత్తేపురంలో చోటు చేసుకున్నది. పురుగుల మందు తాగి ఆత్మహత్య చేసుకున్న విషయం యువతి బంధువులకు తెలియడంతో హుటాహుటిన బాబాయ్ ఇంటికి చేరుకున్నారు. ఆమె మృతదేహం అప్పగించాలని గ్రామస్థులు ఆందోళనకు దిగారు. న్యాయం చేసే వరకు కదిలేది లేదని రోడ్డుపై బైఠాయించారు.
అమరావతి: ట్విటర్ తీరుపై ఆగ్రహంతో ఉన్న కాంగ్రెస్ కార్యకర్తలు ఒక పక్షి ని ఫ్రై చేసి దాన్ని ఆ సంస్థ కార్యాలయానికి పార్సిల్ చేసి పంపించి తమ కసి తీర్చుకున్నారు. కాంగ్రెస్ నాయకుడు రాహుల్ గాంధీ అక్కౌంట్ ట్విటర్ సంస్థ నిలిపివేయడాన్ని నిరసిస్తూ ఈ కార్యక్రమం చేపట్టారు.
ఢిల్లీలో బాలిక రేప్ ఘటనపై రాహుల్ గాంధీ ట్వీట్ చేయగా, దానిపై బిజెపి ఫిర్యాదు చేయడం, జాతీయ బాలల హక్కుల కమిషన్ నోటీసులు జారీ చేయడంతో ట్విటర్ రంగంలోకి దిగింది. నిబంధనలకు వ్యతిరేకం అంటూ రాహుల్ అక్కౌంట్ ను వారం పాటు ఆపేశారు. దీనిపై రాహుల్ తో పాటు కాంగ్రెస్ నాయకులు మండిపడ్డారు. మాజీ ఎంపి జివి.హర్షకుమార్ కుమారుడు శ్రీరాజ్ బర్డ్ ను ఫ్రై చేసి దాన్ని గురుగ్రామ్ లోని ట్విటర్ కార్యాలయానికి పంపించారు. రాహుల్ అక్కౌంట్ నిలిపేసి తప్పు చేశారని, బిజెపి కుట్రతోనే ట్విటర్ ఈ చర్యకు దిగిందని ఆయన ఆరోపించారు. ట్విటర్ తన తీరును మార్చుకోవాలని డిమాండ్ చేశారు.
చండీగఢ్: జావెలిన్ త్రోయర్ నీరజ్ చోప్రా తీవ్ర అస్వస్థతకు గురయ్యాడు. ఇవాళ ఉదయం నుంచి కారు టాప్ పై కూర్చుని అందరికి అభివాదం చేస్తూ తన స్వగ్రామానికి ర్యాలీగా బయలుదేరాడు. ఆరు గంటల పాటు సాగిన ర్యాలీలో నీరజ్ నీరసించిపోయాడు.
నీరసంగా ఉన్న నీరజ్ ను స్వగ్రామం సమీపంలోని ఒక ఆసుపత్రికి తరలించారు. ప్రస్తుతం ఆయన ఆరోగ్యం నిలకడగానే ఉందని, కరోనా కూడా సోకలేదని స్నేహితులు వెల్లడించారు. ఒలింపిక్స్ లో గెలుపొందిన తరువాత తొలిసారి ఇవాళ స్వగ్రామం సమల్ఖాకు నీరజ్ చోప్రా ఢిల్లీ నుంచి బయలుదేరాడు. ర్యాలీగా బయలుదేరిన అతనికి దారి పొడవునా ఘన స్వాగతం లభించింది. పానిపట్ కు చేరుకున్న సమయంలో నీరజ్ నీరసించడంతో స్నేహితులు ఆసుపత్రికి తరలించగారు. ఒలింపిక్స్ లో గెలుపొందిన తరువాత తీరిక లేకుండా కార్యక్రమాలలో బిజీగా గడపడం మూలంగా అస్వస్థతకు గురయ్యాడు. ఈ వార్త తెలుసుకున్న గ్రామస్థులు, జిల్లావాసులు తీవ్రంగా కలత చెందారు.
అమరావతి: ఏపి ప్రభుత్వం ఉత్తర్వుల జారీ కోసం పాత విధానాన్ని అనుసరించాలని నిర్ణయం తీసుకున్నది. ఆన్ లైన్ లో పెట్టడం మూలంగా లేని తలనొప్పులు వస్తున్నాయని భావించిన సర్కార్ పాత విధానం అనుసరించాలని ఆదేశాలు జారీ చేసింది.
ఇకనుంచి ప్రభుత్వంలో ప్రతి శాఖ ఉత్తర్వుల జారీకి రిజిష్టర్లను నిర్వహించాలను సాధారణ పరిపాలన విభాగం (జిఏడి) సర్క్యూలర్ జారీ చేసింది. జిఒఎంఎస్, జిఒ ఆర్ టి, జిఒపి పేరిట మూడు రిజిష్టర్లను ప్రతి శాఖ నిర్వహించాలని సూచించింది. ఏపి సెక్రెటేరియట్ మాన్యువల్ 2005 ప్రకారం గతంలో జారీ చేసినట్లుగానే ప్రభుత్వ ముఖ్య కార్యదర్శులు 3 రిజిష్టర్లను ఏర్పాటు చేయాలని తన సర్క్యూలర్ లో స్పష్టం చేసింది.
హైదరాబాద్: సికింద్రాబాద్ గాంధీ ఆసుపత్రిలో జరిగిన ఇద్దరు మహిళల రేప్ ఘటనపై అధికారులతో కమిటీ వేసినట్లు ఆసుపత్రి సూపరింటెండెంట్ డాక్టర్ రాజారావు తెలిపారు గ్యాంగ్ రేప్ జరిగిందని ఎవరూ తనకు ఫిర్యాదు చేయలేదన్నారు.
సోమవారం మధ్యాహ్నం ఇద్దరిపై అత్యాచారం జరిగిందని ఎస్ఎంఎస్ రాగా వెంటనే చిలకలగూడా పోలీసు స్టేషన్ కు పంపించామన్నారు. ఈ ఘటనకు సంబంధించి ఇప్పటికే ఒకరిని అరెస్టు చేశారని, విచారణ జరుగుతోందన్నారు. బాధిత మహిళలకు మత్తు మందు ఇచ్చి మూడు రోజుల పాటు గదిలో బంధించడం వంటి పరిస్థితులు ఆసుపత్రిలో లేవన్నారు. సిసి కెమెరాలు పనిచేస్తున్నాయని, పోలీసులు నిరంతరం పనిచేస్తున్నారని అన్నారు. అటెండెంట్లు ఉండే షెడ్ లో బాధితురాలు ఒకరు కన్పించారని, రేప్ సెల్లార్ లో జరిగే అవకాశమే లేదన్నారు. అక్కడ క్యాంటిన్, మెడికల్ స్టోర్, ధోబీ ఘాట్ లు ఉన్నాయని, అందువల్ల అక్కడ రేప్ జరిగే అవకాశం లేదని ఆయన కొట్టిపారేశారు. ఈ ఘటనపై ఆసుపత్రి సిబ్బంది, పోలీసులు విచారణ జరుపుతున్నారని సూపరింటెండెంట్ రాజారావు తెలిపారు.
న్యూఢిల్లీ: చైనా దేశానికి చెందిన ప్రముఖ స్మార్ట్ ఫోన్ల తయారీ కంపెనీ వివో వినియోగదారులకు గుడ్ న్యూస్ చెప్పింది. వివో ఎక్స్ 60 ఫోన్ పై సరాసరి రూ.3వేలు తగ్గించింది.
తగ్గించిన ధరతో వివో ఎక్స్ 60 స్మార్ట్ ఫోన్ రూ.34,990కే మార్కెట్ లో లభ్యం అవుతుంది. లాంఛ్ చేసిన సమయంలో 8జిబి ర్యామ్ తో ఉన్న ఈ ఫఓన్ ధర రూ.37,990 ఉంది. 6.56 అంగుళాలతో ఫుల్ హెచ్.డి డిస్ ప్లే తో, క్వాల్ కామ్ స్నాప్ డ్రాగన్ 870, 12 జిబి ర్యామ్, 256 జిబి స్టోరేజీ ఉండగా 13 మెగా పిక్సెల్ సెన్సార్, 13 మెగా పికెస్ సెల్ఫీ షూటర్ ఉంది.
దళితులకు శిరోముండనం చేసిన కేసులో నిందితుడిగా ఉన్న తోట త్రిమూర్తులును ఎమ్మెల్సీ పదవి నుంచి తొలగించాలని దళిత, ప్రజా సంఘాల నాయకులు డిమాండ్ చేశారు. వివిధ రాజకీయ , సామాజిక పార్టీలు, దళిత, ప్రజా సంఘాల విస్తృతస్థాయి సమావేశాన్ని ఎస్సీ, ఎస్టీ విజిలెన్స్‌, మానిటరింగ్‌ కమిటీ సభ్యుడు అయితాబత్తుల రామేశ్వరరావు అధ్యక్షతన నిర్వహించారు. తోట త్రిమూర్తులకు ఎమ్మెల్సీ పదవి ఏ ప్రాతిపదికన ఇచ్చారని జగన్‌ ప్రభుత్వాన్ని ప్రశ్నించారు. గత తెదేపా ప్రభుత్వం తోటపై కేసులు ఎత్తివేస్తూ జీవో ఇస్తే దాన్ని హైకోర్టు కొట్టేసిందని గుర్తు చేశారు. అతను పార్టీలు మారుతూ ఊసరవెల్లిలా తన అవసరాల కోసం రంగులు మారుస్తూ దళితులకు ద్రోహం చేస్తున్నాడని ఆరోపించారు.
అతణ్ని రీకాల్‌ చేస్తూ శిరోముండనం కేసును సత్వరం పరిష్కరించి శిక్ష వేయాలని డిమాండ్ చేస్తూ ఈ నెల 12 నుంచి ఆగస్టు 6వ తేదీ వరకు దశల వారీగా ఉద్యమం చేయాలని సమావేశంలో తీర్మానించారు. 12న రామచంద్రపురంలో, 17న రాజమహేంద్రవరంలో, 26న పెద్దాపురం డివిజన్‌లో, 30న అమలాపురంలో, ఆగస్టు 6న జిల్లా కలెక్టర్‌ కార్యాలయం వద్ద ధర్నాలు, నిరసన ప్రదర్శనలు చేయాలని తీర్మానించారు. అంతకు ముందు భీమాకోరేగావ్‌ ఘటనలో నిర్భంధానికి గురై మరణించిన స్టాన్‌స్వామికి సంతాపం తెలిపారు. ఈ సమావేశంలో వివిధ సంఘాల నాయకులు ఎం.దుర్గాప్రసాద్‌, కాశీబాలయ్య, మోర్త రాజశేఖర్‌, పి.సత్యనారాయణ, ఎ.సూర్యనారాయణ, వెంకటేశ్వర్లు, ఏనుగుపల్లి కృష్ణ తదితరులు పాల్గొన్నారు.
దలైలామాకు జన్మదిన
శుభాకాంక్షలు చెప్పిన రఘురామ
అమరావతి: అధికార వైెఎస్ఆర్ కాంగ్రెస్ పార్టీలో తిరుగుబాటు లోక్‌సభ సభ్యుడిగా ముద్రపడిన నర్సాపురం ఎంపీ రఘురామ కృష్ణంరాజు రోజూ వార్తల్లో ఉంటున్నారు. ముఖ్యమంత్రి వైఎస్ జగన్మోహన్ రెడ్డికి రోజూ వేర్వేరు సామాజింకాంశాలపై లేఖాస్త్రాలను రాస్తూ సొంత పార్టీకి కంటి మీద కునుకు లేకుండా చేస్తోన్నారు. సుప్రీంకోర్టు ఆదేశాల మేరకు మీడియా ముందుకు వచ్చే వీలు లేకుండాపోవడంతో ముఖ్యమంత్రికి రోజూ లేఖలను రాస్తోన్నారు.
ప్రఖ్యాత బౌద్ద మత గురువు దలైలామాకు రఘురామ పుట్టినరోజు శుభాకాంక్షలను తెలిపారు. ఈ మేరకు ఇదివరకెప్పుడో దలైలామాతో కలిసి దిగిన ఓ ఫొటోను ఆయన సోషల్ మీడియాలో పోస్ట్ చేశారు. ఉమ్మడి రాష్ట్రంలో అమరావతిలో బౌద్ధ ఉత్సవాలను నిర్వహించినప్పుడు ఈ కార్యక్రమానికి హాజరైన దలైలామాతో ఈ ఫొటో దిగినట్టుగా భావిస్తోన్నారు. దలైలామా ఇలాంటి పుట్టినరోజు ఉత్సవాలను మరెన్నో జరుపుకోవాలని రఘురామ అకాంక్షించారు. ప్రజలందరికీ ఆయన ఆశీర్వాదం లభించాలని కోరుకున్నారు.
దలైలామా కు ప్రధాని మోడీ ఫోన్
దలైలామా జన్మదినాన్ని పురస్కరించుకుని ప్రధానమంత్రి నరేంద్ర మోడీ కూడా ఆయనకు శుభాకాంక్షలు తెలిపారు. స్వయంగా దలైలామాతో ఫోన్‌లో మాట్లాడారు. ఆయురారోగ్యాలతో జీవించాలని అకాంక్షించారు. సుమారు 20 నిమిషాల పాటు ప్రధాని మోడీ. దలైలామాతో సంభాషించినట్లు ధర్మశాల తెలిపింది. కాగా- సందర్భం ఏదైనప్పటికీ రఘురామ మాత్రం వైఎస్ జగన్‌కు తన లేఖాస్త్రాలను సంధించడాన్ని విస్మరించట్లేదు. మంగళవారం నాడూ ఆయన మరో లేఖను రాశారు.ప్రభుత్వ సలహాదారు, వైఎస్సార్సీపీ అధికార ప్రతినిధి సజ్జల రామకృష్ణారెడ్డిని టార్గెట్‌గా చేసుకున్నారు. సజ్జల రాజ్యాంగేతర శక్తిగా వ్యవహరిస్తోన్నారంటూ మండిపడ్డారు. శాసనం ద్వారా ప్రమాణ స్వీకారం చేసిన మంత్రులను సైతం సజ్జల కించపరుస్తోన్నారంటూ ఆరోపించారు.
*హైదరాబాద్:*
*హైదరాబాద్ లో 15 చోట్ల ఐటీ సోదాలు*
*వైసీపీ ఎంపీ,రాంకి గ్రూపు చైర్మన్ అయోధ్య రామిరెడ్డి నివాసంలో ఐటీ సోదాలు*
*అయోధ్య రామిరెడ్డికి చెందిన గచ్చిబౌలి నివాసంలో సోదాలు*
*గచ్చిబౌలి రాంకి ప్రధాన కార్యాలయంలో సోదాలు*
*రాంకి అనుబంధ సంస్థల్లో సైతం ఐటీ సోదాలు*
*15 బృందాలతో వివిద ప్రాంతల్లో ఐటీ అధికారులు సోదాలు..*
హైదరాబాద్:
*హైదరాబాద్ లో 15 చోట్ల ఐటీ సోదాలు*
*వైసీపీ ఎంపీ,రాంకి గ్రూపు చైర్మన్ అయోధ్య రామిరెడ్డి నివాసంలో ఐటీ సోదాలు*
*అయోధ్య రామిరెడ్డికి చెందిన గచ్చిబౌలి నివాసంలో సోదాలు*
*గచ్చిబౌలి రాంకి ప్రధాన కార్యాలయంలో సోదాలు*
*రాంకి అనుబంధ సంస్థల్లో సైతం ఐటీ సోదాలు*
*15 బృందాలతో వివిద ప్రాంతల్లో ఐటీ అధికారులు సోదాలు..*